DIGAk Sariak 2014an sortu ziren helburu batekin: Arabako diseinu grafikoa aitortzea, ikusgai jartzea eta balioa ematea, bereziki komunikazioa, industria, kultura, teknologia edo iraunkortasuna bezalako eremu desberdinetan balioa emateko duen gaitasuna nabarmenduz.
Oinarriak
Izena emateko deialdia 2025eko maiatzaren 9tik ekainaren 4ra bitartean egiten da.
DIGA SARIAK 2025 sarietarako izen-ematea online bidez soilik egin daiteke, esteka honetan.
DIGA SARIAK bi urtean behingo izaera dutenez, aurkeztutako lanek 2023ko ekainaren 23tik 2025eko maiatzaren 9ra bitartean lehen aldiz argitaratuak izan behar dute derrigorrez.
Izen-emateko epea ekainaren 4an, 23:59etan amaituko da.
Data horretatik aurrera, izen-emate prozesua itxita egongo da eta ezingo da aldaketarik egin, informaziorik osatu edo piezak ezabatu.
- Lehiaketa hau diseinu grafikoaren profesionalentzat dago zuzendua, “Ikasleak” kategorian izena ematen duten pertsonak salbu. Hori egiaztatzeko, DIGAk parte-hartzaile bakoitzarekin harremanetan jartzeko aukera izango du. Ikasleen kategoria lan akademikoek bakarrik osatuko dute; kanpoan geratuko dira profesional gisa legez jardun gabe egindako lanak, lehiaketetara aurkeztutakoak edo lanbidea desitxura dezaketen edo sektorearentzat lehiakortasun desleiala suposatu duten formatuak.
- Ezingo da aurkeztu aurreko edizioetan izena emandako proiekturik.
- Lanak profesional edo agentzia sortzaile edo ekoizleek, zein bezeroek aurkez ditzakete.
- DIGA SARIAK sarietarako parte-hartzea probintzia mailakoa da. Parte hartzeko baldintza bakarra Arabako lurralde historikoan erroldatuta egotea eta bertan lan egitea da. Lanak munduko edozein lekutako bezeroentzat garatuak izan daitezke, baldin eta aurreko baldintza betetzen bada.
- Lan bera gehienez hiru atal ezberdinetan aurkez daiteke. Lan bera atal batean bi edo parte-hartzaile gehiagok aurkezten badute, DIGAk lehenengo izena eman duenaren lana bakarrik onartuko du.
- DIGAk ez du erantzukizunik hartuko izen-emate fitxetan adierazitako datuen egiazkotasunaren gainean.
- DIGAk ez du erantzukizunik izango plagio salaketen aurrean. Diga Sariak-en antolakuntzak parte-hartzaileekin edo azken bezeroarekin harremanetan jartzeko aukera izango du lanaren egiletasuna egiaztatzeko. Parte-hartzaile batek plagioa edo nortasun ordezkapena egiten badu, DIGAk sariaren esleipena baliogabetu ahal izango du.
- DIGAk eskubidea izango du aurkeztutako lanak sarien promozio helburu esklusiboekin erabiltzeko eta erreproduzitzeko. DIGA SARIAK sarietan parte hartzeak esan nahi du saritutako piezak lagatzeko baimena ematen dela erakundearen erabilerarako, bere jardueretan erabiltzeko (erakusketak, katalogoak, webgunea, eta abar), eta baimena ematen da hirugarrenek ere dokumentuak erabili eta erreproduzitzeko, betiere xede komertzialik edo irabazi-asmorik gabe.
- DIGAk antolatutako sarien deialdian parte hartzeak oinarri hauek erabat onartzea dakar.
→ Nortasun korporatiboa
Erakunde, marka, produktu edo zerbitzuen identifikaziorako sistema bisualen diseinua. Logotipoetatik hasi eta tipografiak, koloreak, elementu grafikoak, erabilera-manualak eta abar biltzen dituzten sistema osoetaraino.
→ Editoriala
Testuaren konposizioan eta tratamenduan oinarritutako proiektuak. Liburuak, aldizkariak, egunkariak, katalogoak, txostenak eta beste argitalpen inprimatu edo digital batzuk barne.
→ Espazio-grafika
Espazio fisikoetarako bereziki garatutako aplikazio grafikoak: seinaleztapena, erakusketak, espazio komertzial, museografiko edo instituzionalen diseinua.
→ Gráfica publicitaria
Produktu, zerbitzu edo ekitaldiak sustatzeko diseinatutako proiektuak. Euskarriaren izaera alde batera utzita, inpaktu grafikoa baloratuko da: kartelak, flyer-ak, eskuorriak, txartelak, etab.
→ Digitala
Ingurune digitalean kontsumitzeko sortutako proiektuak: web korporatiboak, landing page-ak, newsletterrak, aplikazioak, e-commerce plataformak edo kanpaina digitalak.
→ Produktua
Kontsumo-produktuen gainean zuzenean aplikatutako diseinuak: ontziak, etiketak, enbalajeak, ehunak, poltsak edo kutxak. Bai inpaktu grafikoa bai funtzionaltasuna baloratuko dira.
→ Ikus-entzunezkoa
Diseinu grafikoa ikus-entzunezko baliabideen bidez adierazten duten proiektuak: animazioa, motion graphics, bideo promozionala, eta abar. Irudia, soinua eta narrazioa integratuz.
→ Arabako Ikasleak edo Araban ikasten dutenak
Araban bizi diren edo Araban ikasten ari diren ikasleei zuzendua. Jarduera akademikoaren barruan garatutak.
→ Diseinu jasangarria
Garapenean jasangarritasun-irizpideak txertatzen dituzten proiektuak: material arduratsuen erabilera, prozesu eraginkorrak edo ingurumen-inpaktu txikia duten soluzioak.
→ Auto-proiektua
Bezero gisa bere burua duen agentzia, estudio edo profesionalak egindako proiektu pertsonal, autopromozional edo esperimentalentzako kategoria. Aurreko kategorietako edozeinetan kokatu daitezke.
Obraren izena eta deskribapena
Obra guztiek izen edo titulu bat izan beharko dute, aurkeztutako lana modu leialean deskribatuko duena. Saiatu ahalik eta laburrena eta zuzenena izan dadin.
Aurkeztutako lanari ondoen egokitzen zaion kategoria ere hautatu beharko da. Obra bera kategoria batera baino gehiagotara aurkeztu nahi izanez gero, izena emateko inprimakia bete beharko da, kategoria zehatz bakoitza aukeratuz, eta modu independentean bidali, behar bezala izena emateko.
Beharrezkoa da aurkeztutako lanaren enkargua zein bezerok eskatu zuen adieraztea.
- Objetivos iniciales y propuesta
Bi gune izango dituzu, batetik, bezeroak enkarguaren helburuak azaltzeko, eta, bestetik, aurkeztutako proposamena azaltzeko.
Lehenengo kasuan, briefaren, contrabrief-aren (halakorik balego), hartzaileen, proiektuaren erronken eta zailtasunen eta abarren funtsezko puntuak zehaztu ditzakezu.
Bigarren zatian, aurkeztutako konponbidea eta komunikazio-ebazpen honetan diseinuak izan zuen zeregina azaldu ditu.
- Irudien tamaina eta eskakizun teknikoak
Zure lana inskribatzerakoan, proiektua erakusten laguntzeko gutxienez 3 eta gehienez 5 irudi eman beharko dizkiguzu. Obra guztiek 72 ppp-ko bereizmena izan beharko dute, 1920 px-ko zabalerako eta 1080px-ko altuerako tamainarekin, eta webgunerako optimizatutako JPEG formatuan (RGB kolorezko espazioa). Baldintza horiek betetzen ez dituzten obra guztiak ez dira sarien parte izango.
Epaimahaia Arabako lurralde-esparrutik kanpoko hamalau diseinu grafiko profesionalek osatzen dute, aurkeztutako proiektuak baloratzeko beharrezko esperientzia eta gaitasuna dutenek.
Epaimahaikideek ebaluazio-irizpide eta tresna komun batzuk izango dituzte eskura, aurkeztutako lanen analisi zorrotza eta bidezkoa egiteko.
Kide horietako bat epaimahai-burutzarako hautatua izango da, eta berdinketa kasuan, puntuazioa bere botoak erabakiko du.
Izen-emate formularioaren bidez lanak erregistratu ondoren, informazio eta irudi guztiak kategoriaz antolatutako errepositorio digital batera igaroko dira, eta bertan ez da egilearen informaziorik agertuko. Epaimahaikide bakoitzak sarbidetza pertsonalizatu baten bidez sartu ahal izango da, eta esleitutako kategorietako proiektuak baino ez ditu ikusiko.
Deialdia ekainaren 4an amaitu ondoren, epaimahaikideek hamaika eguneko epea izango dute euren balorazioa adierazteko. Ekainaren 15etik aurrera hautatutako proiektuei deliberoen emaitza jakinaraziko zaie.
Epaimahaiak proiektu bati buruz zalantzarik badu, DIGAk proiektuaren ordezkariarekin harremanetan jarriko da, zalantza argitzeko eta beharrezko informazioa epaimahaiari helarazteko, proiektuen anonimatua bermatuz beti.
Epaimahaikide bakoitzak hiru lan hautatuko ditu kategoria bakoitzean, eta 1, 3 edo 5 puntu emango dizkie, merezimenduaren arabera. Puntuazioen baturarekin hirugarren, bigarren eta lehenengo postuak zehaztuko dira; azken hau izango da irabazlea. Berdinketa gertatuz gero, epaimahai-buruaren botoak balio bikoitza izango du.
Epaimahaiak sari bat hutsik utzi ahal izango du parte-hartzea edo lanen kalitatea nahikotzat jotzen ez badu.
Epaimahaiak kontuan izan ditzakeen irizpide orientatzaile batzuk honako hauek izango dira:
Kontzeptua
Aurkeztutako lanen kontzeptuaren sendotasuna baloratuko da. Bereziki estimatuko da ideiak proiektuaren oinarri izatea eta horiek ikusmenezko garbitasunez komunikatzea. Mezuak era adimentsu eta sortzailean transmititzeko gaitasuna kontuan hartuko da baliabide grafikoen bidez.
Exekuzioa
Formalki bikain gauzatutako lanak nabarmenduko dira. Epaimahaia kalitate teknikoan, xehetasunen zaintzan eta koherentzia bisualean jarriko du arreta, eta arte-zuzendaritza sendoa eta exekuzio zaindua duten proposamenak bereziki baloratuko ditu.
Funtzionaltasuna
Lanen helburu komunikatiboekiko eraginkortasun-maila baloratuko da. Erabilgarritasuna, informazioaren transmisioaren argitasuna, eta bezero zein azken erabiltzailearen beharretara egokitzapena hartuko dira kontuan, batez ere erabiltzaile-esperientzia (UX/UI) ikuspegitik.
Berrikuntza
Ideia berriak ekartzen dituzten proposamenak baloratuko dira, bai kontzeptualki bai formalki. Metodo berritzaileak, gaiak lantzeko ikuspegi ezohikoak, edo euskarri eta formatuen erabilera sortzailea estimatuko dira. Halaber, esperimentazioaren bidez diziplinaren mugak zabaldu dituzten proiektuak ere aitortuko dira.
Koherentzia
Kriterio honek proiektuaren koherentzia orokorra baloratzen du. Aplikazio eta aurkezpen guztietan kalitate maila altua mantentzen duten lanak sarituko dira, elementu guztiak arreta handiz hautatuta eta mezua komunikatzeko egokiak direnean.
Iraunkortasuna
Garapenarekin lotutako ingurumen-inpaktuak identifikatzen dituzten eta horiek murrizteko edo saihesteko soluzioak aurkezten dituzten proiektuak bereziki baloratuko dira. Era berean, ekonomia zirkularraren printzipioak diseinu-prozesuetan txertatzen dituzten proposamenak nabarmentzen dira.
Diga Sariak antolakuntzak eskubidea gordetzen du saritutako lanen errebprodukzioa egiteko www.digaelkartea.org webgunean, katalogo fisikoan, sare sozialetan eta bere ustez beharrezko diren medio guztietan, beti haien forma aldatu gabe eta egiletza aipatuz, Diga Sariak komunikatzeko eta sustatzeko helburuarekin
Proiektuen aurkezpenak aurretik aipatutako oinarriak onartzea dakar.
Epaimahaiaren osaera
Peio Atxalandabaso
Publizitate-kanpainak. Ekitaldi kulturalen antolaketa.
Angélica Barco
Diseinu eta marka estrategietan aditua den zuzendaritza sortzailea.
Marina Goñi
Branding, Packaging eta arte-zuzendaritza.
Montse Tanús
Nortasun korporatiboa eta diseinu editoriala.
Isa Macías
Web diseinua eta programazioa + Diseinu grafikoa.
Laura Carazo
Zuzendaritza sortzailea eta elkarrekintza-diseinua.
Anaitz Cid
Arte-zuzendaritza.
Dani Arauna
Diseinu grafikoa, espazioei aplikatutako diseinu grafikoa, identitate bisuala eta diseinu editoriala.
Erik Zarraga (BANILA Studio)
Zuzendaritza sortzailea, diseinua eta estrategia.
Jon Abad
Produktua eta espazioak diseinatzea.
Marina Blázquez
Arkitektura, service design eta hiri-estrategia.
Cristina Hernandez Bernardo
Branding, Arte eta Ikusizko Komunikazio Zuzendaritza.
Amaia Prieto Atxotegi
Zuzendari sortzailea, eragin positiboa duen diseinatzaile grafikoa.
Mireia Rabal
Ikusizko sormena, edukia sortzea eta edizio digitala.
Nuria Vila
Zuzendari sortzailea, eragin positiboa duen diseinatzaile grafikoa.
Sarien banaketa-ekitaldia
DIGA SARIAK lehiaketan ez da soilik diseinu-lana saritzen, baita horren alde egiten duten erakundeak ere. Hori dela eta, kategoria bakoitzeko proiektu irabazleak bi trofeo jasoko ditu: bat proiektua gauzatu duen Agentzia/Estudio/Profesionalarentzat eta bestea haien lanean konfiantza izan duen erakundearentzat. Finalista izan diren proiektu guztiek, gainera, DIGAk zigilatutako eta sinatutako ziurtagiri ofiziala jasoko dute.
Sari-banaketa gala 2025eko uztailaren 3an izango da, Gasteizko Villa Suso Jauregiko Martínez de Salinas aretoan.
Sarrera doakoa da, baina aforoa mugatua denez, interesa baduzu hemen izena eman dezakezu.
Diseinuko profesional eta enpresa guztiak gonbidatzen ditugu bezeroak eta hornitzaileak zeremonia honetaz gozatzera, sektorea bildu eta ikusarazteko eta hemen egindako diseinua ospatzeko.
Sariekin lotutako edozein kontsulta egiteko, idatzi digasariak@digaelkartea.org helbidera.
Egutegia
2025eko maiatzaren 9a
1. Obrak inskribatzea
2025eko ekainaren 4an, 23:59etan
2. Deialdiaren itxiera
2025eko ekainaren 5ean
3. Balorazio-aldia
2025eko uztailaren 3a
4. Sari banaketa
Izen-ematea
Obrak inskribatzeko epea amaitu da. Aribideko balorazio-aldia.